News online e per il telefonin

Radio e Televisiun Rumantscha porschan sin lur homepage dapi l'onn 2008 ina purschida extendida da news. Tematicamain cumpiglia la purschida ils secturs regiunal, Svizra, exteriur e sport. Ils news cumpiglian text (e maletg) e renvieschan ad eventualas emissiuns da Radio e Televisiun Rumantscha che tractan il tema. In ticher da novitads actualisà cuntinuadamain gida a s'infurmar davart ils pli novs cuntegns. Dapi la primavaira 2009 exista la purschida er en ina versiun per telefonins.