Peider Lansel (1863-1943)

Peider Lansel è stà in dals pli impurtants exponents dal «moviment rumantsch». El s’è engaschà sco poet, essaist e politicher durant quasi tut sia vita per il mantegniment e la renconuschientscha dal rumantsch. Durant passa trenta onns ha el publitgà in grond numer da collecziuns da poesias, divers essais e referats e tgirà differentas ediziuns da lirica e prosa rumantscha. La glista en agiunta preschenta infurmaziuns accessiblas online u renda attent a publicaziuns che tractan vita ed ovra da Peider Lansel. La pagina d'internet www.peiderlansel.ch infurmescha davart il project d’ediziun da sia ritga ovra essaistica, sia prosa, tscherts artitgels da gasetta e parts da sia correspundenza.