Pro Juventute

La Pro Juventute s’engascha per satisfar als basegns e per realisar ils dretgs dals uffants e giuvenils en Svizra. L'organisaziun è vegnida fundada il 1912. A l’entschatta steva il sustegn per uffants cun tuberculosa en il center da las activitads. Successivamain èn vegnidas vitiers la coordinaziun d’incumbensas uschè differentas sco la cussegliaziun da mammas, intermediar plazzas da vacanzas, pussibilitar segiurns da cura per uffants, agid per uffants da muntogna, sustegn per uffants donnegiads da guerra, surdar stipendis da furmaziun ed organisar champs durant il temp liber («pass da vacanzas») e bler auter.