Filomela

Gia vers la fin da l'enviern aud'ins il chant sonor da la filomela en guauds da coniferas ed en guauds maschadads. La filomela è parentada cun la merlotscha. Ella è dentant pli pitschna e sias plimas han in'autra colur. Ella tschertga ses nutriment giu per terra. Per regla maglia la filomela verms, lindornas ed insects. Ella rumpa la crosa da las lindornas cun pitgar quella sin in crap. Il gnieu da la filomela sumeglia ina cuppa. Savens fa ella quel sin coniferas giuvnas. Il gnieu consista da pitschnas ragischs, fustis e mistgel. La vart dadens cuvra la filomela cun terra maschadada cun spida. [Tenor Biologia].