Scuol

Enturn il 1860 han ins inizà l'explotaziun a l'engronda da las funtaunas mineralas, iniziond il vair temp dal turissem da bogns. En ils decennis suandants han ins erigì ina chasa da bogns e numerus hotels. Il svilup dal sport d'enviern a partir dal 1950 ha inizià la segunda epoca dal turissem a Scuol. Suenter l'avertura da la Pendiculara Scuol-Motta Naluns il 1956, èn vegnids construids numerus runals ed intginas sutgeras. Il Bogn Engiadina Scuol cun l'emprim bogn roman-irlandais da la Svizra ha fatg renascher il 1993 la tradiziun balneara. La fusiun dal 2015 ha fatg da Scuol la pli gronda vischnanca da la Svizra. [Tenor e-lir].

(Foto: Daniel Schwen / CC BY-SA 3.0)