Convivenza

La fundaziun «Convivenza – Center internaziunal da minoritads» exista dapi l'onn 2006. La fundaziun sa chapescha sco laboratori da discussiun e perscrutaziun davart la convivenza da minoritads e structuras statalas federalisticas. En pli duai ella pussibilitar a partidas da conflict da sa scuntrar en in lieu neutral per tschertgar schliaziuns en in senn democratic. La fundaziun ha sia sedia a Mustér; la centrala operativa sa chatta tar l'Institut europeic da l'Universitad da Turitg.