125 onns viadis fascinants

Per l’anniversari da 125 onns (1889-2014) ha la Viafier retica edì in’ovra collectiva che consista d’in cudesch, da duas DVDs e d’in magazin. L’entir text cuntegnì en il cudesch «125 onns Viafier retica – L’istorgia» è avant maun en las trais linguas chantunalas ed en englais. Er las duas DVDs resguardan las linguas numnadas ed en pli il franzos. Il magazin accumpagnant «125 Geschichten der Rhätischen Bahn» è ina rimnada dad istorgias ed anecdotas illustrada ritgamain, il text è per tudestg.