Gion Duno Simeon

Gion Duno Simeon è naschì il 1906 a Casti ed è mort l'onn 2000 a Churwalden. La musica, la pedagogia e la lingua rumantscha han giugà ina rolla centrala en la vita da l’anteriur magister ed inspectur da scola. Gion DunoSimeon ha dirigì il Chor rumantsch da la Scola chantunala a Cuira ed ils chors virils da Lantsch, Casti, Alvra e Surses. A partir dal 1933 ha el cumenzà a cumponer chanzuns per la scola e per «ses» chors. Si’ovra cumpiglia passa 150 chanzuns, scrittas per la gronda part per chor viril, ma er per chor maschadà e da dunnas. Ultra da quai ha el cumponì ovras per solist vocal e clavazin/orgla.