Crestomat

La mitologia rumantscha è plaina da figuras scurrilas sco ina mitta da fain che smaina sia fautsch, ina sontga che sa travestgescha ad alp sco mat, in scolar da la scola naira che sgola sin draguns ubain in buttatsch cun egls che tementescha la notg pèrins inamurads. Il Crestomat dat nova vita a quellas figuras: Però è il buttatsch cun egls dal Crestomat nagin monster, mabain in erox amiaivel e curaschus. Questa collecziun cumpiglia las staflas 1-6 dal Crestomat: 434 paginas da comic en nair ed alv mintgamai per rumantsch (maschaida d'idioms e rumantsch grischun) e tudestg. Ultra da quai èn tut ils comics accessibels online.