Dardin furma ina fracziun da la vischnanca politica da Breil, cun Capeder e tschintg ulteriurs aclauns, situada lung la via veglia da Schlans a Breil. L'abitadi Pugaus (Arpagaus) è vegnì bandunà il 1800. Sin il Grep Patnasa ed a Dardin chatt'ins craps-scalutta preistorics. L'onn 765 ha l'uvestg Tello regalà a la claustra da Mustér bains e colons a Dardin. Ils Libers da Lags residents a Dardin e Breil han gì fin il 1536 il dretg d'utilisar las pastgiras d'alp da Tschegn Dadens e Dado. Dapi il 1664 furma Dardin ina pravenda, deditgada a s. Bistgaun. [Tenor e-lir].
(Foto: Adrian Michael / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
