Otmar Nussio

Otmar Nussio è naschì il 1902 a Grosseto (Toscana) en ina famiglia d’emigrants da Brusio. Suenter las scolas en l’Italia ed ad Aschera ha el studegià flauta e cumposiziun a Milaun e Roma. A partir dal 1936 ha Nussio instruì flauta al Conservatori da Turitg. Dal 1938 al 1968 ha el dirigì l'orchester ed ils programs da musica dal Radio della Svizzera italiana. Sias atgnas cumposiziuns èn restadas colliadas, cun excepziun da paucs elements moderns, a las furmas tradiziunalas ed a concepziuns descriptivas. Nussio ha obtegnì numerusas distincziuns.

(Foto simbolica: Helmutdiri / CC BY-SA 3.0)