«Tge duai jau far...?»

«Noss uffant na sa betg giugar, discurra pauc ed ans fa vegnir a cunfins mintga di. A tgi pudain nus ans drizzar?» Il Servetsch Ortopedagogic dal Grischun porscha examinaziuns (p.ex. dal stadi da svilup da l'uffant) e cussegliaziun per ils geniturs. Las pussaivladads da promoziun entaifer la pedagogia curativa cumpiglian ils suandants champs: educaziun prescolara pedagogic-curativa; logopedia prescolara; terapia psicomotorica; audiopedagogia; impediments da la vesida.