La Republica da las Trais Lias

Ils 23 da settember 1524 èn la Trais Lias (la Lia Grischa, la Lia da la Chadé e la Lia da las Diesch Dretgiras) sa dadas cun la Brev da federaziun ina constituziun cuminaivla. L'organisaziun interna ha mantegnì ina structura fermamain federalistica che permetteva ad ellas da sa preschentar en ina furma pli unida en dumondas da guerra e da pasch sco era sin il champ da la politica exteriura e da l'administraziun da las Terras subditas. Ils onns 1798-1800 è il Grischun daventà in champ da guerra che ha marcà la fin da la Veglia Republica. [Tenor e-lir].