Funtaunas da dretg

L’uniun dals giurists svizzers perscrutescha dapi varga tschient onns las funtaunas giuridicas da la Svizra. Per quest intent ha l’uniun fundà la «Rechtsquellenstiftung» che porscha ina collecziun da funtaunas da dretg. Enfin uss han ins edì varga tschient toms. Dal Grischun èn cumparidas las funtaunas da dretg da l’Engiadina, da la Val Müstair e da Bravuogn, plinavant ils toms «Lex Romana Curiensis» e dus toms dal territori da la Lia da las diesch dretgiras. Ed uss vegnan las pergiaminas da dretg e dretgira en Surselva edidas. Las funtaunas da dretg porschan invista en l’istorgia culturala, sociala, locala, etnologica e muntan ina buna basa per examinar il svilup da la lingua. [Tenor ANR].