Il pievel Armen

Enturn 301, pia pli baud che l’imperatur roman Constantin, ha retg Tirdat III (252–330) acceptà il cristianissem. Cun l’alfabet stgaffì enturn 405 ha entschat il temp d’aur da la naziun armena, cura ch’ins ha avert scolas e translatà la Bibla. Manegiada n’è betg l’Armenia d’oz, mabain quella che furma il nordost da la Tirchia dapi il 16avel tschientaner. Blers Armens èn fugids da là en l’Europa, l’America e pli tard er en Libanon, suenter ils mazzaments da 1877–1878 e 1894–1896, ed anc dapli suenter quels da 1915–1918 ch’èn vegnids planisads ad in vair genocid. La Tirchia snega anc adina lezs fatgs istorics. [Tenor LQ].