General Antoine Henri Jomini

Igl èn passads 140 onns ed il tema è actual pli che mai: La fundaziun da la strategia militara moderna. General Antoine Henri Jomini oriund da Payerne (VD) è mort cun 90 onns ils 22 da mars 1869 a Paris. Sco general en servetsch da l’imperatur Napoleun e pli tard sco general en servetsch da trais zars ha el fatg ina tala carriera che gnanc in scriptur avess pudì inventar ina pli magnifica. Jomini ha descrit l’istorgia mundiala – fin uss èn cumparids passa 40 toms – ed influenzà quella decisivamain perquai ch’el aveva sco cumandant e strateg access als circuls auts e stretgs da las pussanzas mundialas. [Tenor ANR].