L’art popular

L'art popular è da natira il pli savens anonim: lavurs fatgas senza furmaziun spezialisada en in sistem da stgomi nua ch’il num quinta main che l’ovra, objects ch’èn vegnids a la glisch en furma da fragments e senza certificat d’origin. E perfin sch’ins po leger il num u almain las inizialas engravadas sin ina cumoda vallesana u las letras malegiadas en minusclas vid la part sut d’ina stgaffa dal Toggenburg, n’ans gida quai betg la massa. Datas da batten e da mort en in register parochial e, tranter quellas duas, il spazi vid ch’il tschertgader il pli stinà ha fadia d’emplenir. Il tom IX da la retscha «Ars Helvetica» è deditgà a l’art popular e ses stgazis.