La pictura da l’epoca moderna

«Tranter il 1500 ed il 1950 hai dà blers picturs en la regiun da la Svizra. Blers artists da derivanza svizra han chattà gudogn e success en auters pajais. Mo paucs èn dentant daventads impurtants, la gronda part è sa cuntentada cun la mediocritad che satisfascheva lur clientella. I ha dà centers d’art regiunals, ma ins n’ha mai fundà in’academia. Durant tut las midadas da las tendenzas artisticas en Europa n’ha la Svizra mai gì ina posiziun dominanta.» Uschia descriva l’autur dal sisavel tom da l’«Ars Helvetica», il professer d’istorgia d’art Oskar Bätschmann, la situaziun dals picturs e picturas dapi il temp medieval e la pictura da l’epoca moderna. [Tenor AH VI].