Estetica industriala

La Svizra na pratitgava fin il 1848 nagina politica naziunala da commerzi, mastergn ed industria, e las emprimas exposiziuns industrialas, realisadas en Svizra suenter l’aboliziun dals privilegis da las corporaziuns vers la fin dal 18avel tschientaner, avevan in caracter regiunal. Il 1789 han ins mussà per l’emprima giada in’exposiziun d’art ed industria a Genevra; ils exponents eran dentant exclusivamain artistas; a Son Gagl e Berna èn lura suandadas exposiziuns industrialas en il senn pli stretg dal pled. Las experientschas da lez temp èn s’effectuadas pli tard ins las grondas exposiziuns naziunalas a Turitg, Genevra, Berna e Losanna. Il tom XI da l’«Ars Helvetica» è deditgà a l’art industrial helvetic dal 1851 fin al temp actual.