Tumults da giuvenils

Il matg 1980 ha il cussegl da la citad da Turitg approvà 60 milliuns francs per la renovaziun da l'opera. En il medem mument ha el refusà las pretensiuns per in center da giuvenils autonom. Sin quai è suandà en Svizra ina spirala da violenza incumparabla tranter ils «burascus» e la polizia, uschè per exempel suenter l’emprima serrada dal center da giuvenils autonom (CGA) en vischinanza da la staziun. Durant ils moviments dals onns 80 è vegnì cumbattì cun meds nunconvenziunals. Il moviment tematisava giavischs sociopolitics sco mancanza d'abitaziuns u miseria da drogas, sco era il stadi che surveglia tut. [Tenor Vichipedia].