Melodias da mi'tatta

Suenter ils albums «Carezzas» (1978), «Or da schlers e baraccas» (1985), «Vagabunts – 11 polaroids» (1995), «Lain fabular. Ils Beatles per rumantsch» (2005) ha Benedetto Vigne dà il 2023 cun «Melodias da mi'tatta» ina sort combeack retrospectiv: I sa tracta d'in disc cumpact cun atgnas chanzuns da tschintg decennis, fin uss nunpublitgadas, ch'el ha registrà da nov cun muscistas e musicists da la scena rumantscha e d'utrò. Il cudesch accumpagnant porscha sper ils texts da las chanzuns (en surmiran, tudestg ed englais) in'autobiografia musicala cumplessiva, scritta en rumantsch grischun.