Las subtropas

Las subtropas cumenzan en la part sitga da la savanna, cumpiglian ils gronds deserts dal mund e la bostga semperverda dal tip mediterran. La Sahara è il pli grond desert dal mund; ella è bunamain uschè gronda sco ils Stadis Unids da l’America. En territoris cun stads sitgas e chaudas ed envierns pli umids, sco las regiuns da la Mar Mediterrana, la California e parts da l’Australia, crescha bostga semperverda: plantas e chaglias cun feglia dira che dovran pauc’aua la stad.

(Foto: Maphobbyist / CC BY-SA 3.0)