Ils guauds tropics creschan en la vischinanza da l’equator, nua ch’igl è chaud ed umid l’entir onn. La plipart da las plantas ed ervas è adina verda ed ha feglia fitg gronda. Ils guauds tropics cuntegnan la pli gronda varietad da creatiras sin il mund. Pli che 50% da tut ils animals e da las plantas ed ervas èn qua da chasa. Sin planiras tropicas cun blera plievgia, spezialmain sper lais, flums e rivas da mar, sa furman terrens da palì (p.ex. ils Everglades a Florida). Sch’il clima è dentant memia sitg per guauds, sa furman pastgiras (savannas). L’immens guaud tropic da l’Amazonas è il pli grond territori da guaud tropic dal mund.
(Foto: Frameme / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
