Marcas postalas svizras

Curt avant la fundaziun da la Confederaziun l’onn 1848 han singuls chantuns cumenzà a producir las emprimas marcas postalas: Turitg il 1843, Genevra il 1844 ed il 1845 è suandada l’enconuschenta «columba da Basilea». Entant che las bancas possedevan er anc suenter il 1848 lur agens «palpiris da pajament», èn las marcas postalas e las munaidas vegnidas unifitgadas en la nova Confederaziun. Cun la «Rayon» che mussa la vopna svizra splenduranta en ina cartuscha ritgamain ornada cumenza l’istorgia da la marca da la posta federala svizra.