Felix Maria Diogg

Il pictur Felix Maria Diogg (1762–1834) è naschì sco figl da Johann Columban, scrinari, pictur, surdorader e pur, e da Catrina nata Deflorin, da Tschamut. Suenter il grond incendi d'Ursera dal 1766 è la famiglia sa domiciliada a Tschamut. Il 1780 ha l'avat da Mustér, Columban Sozzi, intermedià a Diogg in emprendissadi da pictur a l'Academia d'art da Besançon. Pli tard ha il pictur e scrivant da la citad, Felix Christoph Cajetan Fuchs, clamà Diogg a Rapperswil, nua che quel è daventà il purtretist classicistic il pli impurtant da la Svizra. [Tenor e-lir].

(Foto: PD via Wikimedia Commons)