Vazerol

Vazerol è in aclaun istoricamain betg documentà, dentant impurtant tenor la ditga, situà a 1130 m en l'anteriura vischnanca da Brinzauls (oz Albula/Alvra). En quest lieu en il cor dal Grischun Central duain esser s'unidas il 1471 la Lia Grischa, la Lia da la Chadé e la Lia da las Diesch Dretgiras tras in engirament cuminaivel. La Lia da Vazerol n'ha ni ina realitad istorica ni ina tala da dretg constituziunal. Dal 1471 datescha dentant l'allianza tranter la Lia Grischa e la Lia da las Diesch Dretgiras (che n'è dentant betg vegnida sigillada a Vazerol). In crap commemorativ a Vazerol ed in monument a Cuira celebreschan la Lia da Vazerol legendara. [Tenor e-lir].

(Foto: Adrian Michael / CC BY-SA 3.0)