Silvia Andrea

La scriptura Silvia Andrea è naschida il 1840 a Zuoz sco Johanna Gredig e morta il 1935 a Castasegna. Suenter sia maridaglia ha ella vivì a Castasegna, nua ch'ella è s'engaschada oravant tut per l'educaziun e la scolaziun da las giuvnas. L'occupaziun cun l'istorgia grischuna ha Andrea elavurà en numerus raquints ed en il roman istoric «Violanta Prevosti» (1905). Tenor ses agen dir ha ella revelà ses intern en il roman «Faustine» (1889). In grond success han gì sias istorgias e skizzas en «Das Bergell» (1901) e las istorgias d'animals «Wir und unsere Lieblinge» (1914). Malgrà ch'ella era da lingua materna rumantscha, ha Andrea scrit tut sias ovras en tudestg, insaquantas èn vegnidas translatadas en rumantsch e talian. [Tenor e-lir].