Il Pass dal Stielva (talian Giogo dello Stelvio, tudestg Stilfserjoch) è in passadi a 2757 m che collia il Vnuost Sura (Stielva e Prad) cun la Vuclina (Buorm). Suenter l'incorporaziun da la Lumbardia a l'Austria il 1815 vuleva quella realisar, per motivs strategics, ina via directa dal Tirol en la Lumbardia. Ina tala è vegnida construida il 1819-25 sut la direcziun da l'inschigner da Brescha, Carlo Donegani, ch'ha era realisà la via dal Spleia; cun ina largezza da 7-8 m e numerusas construcziuns d'art è stada quella via in'ovra temeraria. [Tenor e-lir].
(Foto: Idéfix from nl / CC BY-SA 3.0)
- SCUVRAMUND – dossiers tematics
- MAGLIACUDESCHS – blog da lectura
Las preschentaziuns
