John F. Kennedy

John Fitzgerald Kennedy è stà ils onns 1961-1963 il 35avel president dals Stadis Unids da l'America. El appartegneva a la partida democrata ed era oriund da Massachusetts. Entrà en uffizi cun be 43 onns, è el stà il pli giuven president da l'America fin oz. La politica exteriura era dominada da quel temp dal cumbat da pussanza cun l'Uniun sovietica (construcziun dal Mir da Berlin, Crisa da Cuba). En pli ha Kennedy tramess per l'emprima giada truppas en il Vietnam dal Sid. En la politica da l'intern è Kennedy vegnì confruntà pli e pli cun conflicts da razza. Kennedy è vegnì assassinà durant ina visita a Dallas l'onn 1963.