Da surengiu – in mund magnific

Durant 10 onns ha Yann Arthus-Bertrand fatg 100'000 fotografias ord l'aria. Igl èn maletgs da 76 pajais sin tuts continents. Per far las fotografias è Arthus-Bertrand sgulà var 3000 uras. Era sche ses maletgs sumeglian ovras artisticas na sa senta il fotograf betg sco artist. El vuless plitost concepir in inventari e mussar co ch'il mund sa preschenta oz. Sias fotografias duain dar perditga da la vita d'ozildi. Cun l'estetica da ses maletgs sveglia Arthus-Bertrand tar la glieud mirveglias per autras culturas e cuntradas. Uschia po il fotograf era adina fa attent sin la periclitaziun da l'ambient e da la natira en pajais lontans. [Tenor ANR].