Ovras a pumpa

Per pumpar ensi l’aua en ovras d'accumulaziun a pumpa dovran ins radund in quart dapli energia che quai ch’ins producescha suenter. Fa quai senn? «Las ovras d'accumulaziun a pumpa destrueschan energia ed èn bunas mo per augmentar ils gudogns dals concerns d’energia», critigeschan instituziuns da l'ambient. I dovra ellas per pudair garantir l'energia maximala, respunda la cuntrapart: «Durant la notg vegn duvrà pauca energia e nus pudain pumpar si aua. La damaun cura che la glieud leva, envida la cazzola e tschenta en la maschina da café, pon ins lura cuvrir il basegn d’energia.»

(Foto: Colin Henein / CC BY-SA 3.0)