La vieuta da 1989

La vieuta da 1989 n’ha betg entschavì a Berlin il november e gnanc a Lipsia l’october cun las uraziuns per la pasch. Ins n’astga betg emblidar l’avertura tras l’Ungaria da ses cunfin cun l’Austria e la furmaziun da l’emprima regenza postcommunista polaca. Ma tut quai avess pudì ir a fin cun ina mazzacra. Truppas sovieticas devi a Berlin sco a Budapest e Varsovia. Pertge èni restadas en lur casernas? I n’han survegnì nagin cumond d’ir ora sin via e trair sin la fulla. L’um ch’avess astgà dar in tal cumond, secretari general Gorbatschov, aveva ditg gia 1985 als schefs communists dals «pajais fraterns» che Moscau n’intervegnia mai pli en lur affars interns. [Tenor LQ].