Latg e products da latg

Per mammals novnaschids è il latg ina vivonda indispensabla enfin ch’els èn abels da prender si nutriment en autras furmas. Ed er suenter furman il latg ed ils products da latg ina cumpart essenziala da noss nutriment da basa. Per elavurar ils differents products vegnan en dumonda dus process: separar il latg en sias singulas cumponentas (p.ex. tar la producziun da groma e pischada) ni fermentar il latg cun agid da bacterias d’acid da latg (p.ex. tar la producziun da jogurt, quagliada e chaschiel frestg) respectivamain cun agid da quagl (tar la producziun da chaschiel lom e dir).

(Foto: Lupo / pixelio)