Reto Caratsch (1901-1978)

Correspundent da la «NZZ» a partir dal 1925, a Berna 1927–28, a Berlin 1930–40 ed a Paris 1947–63. Publicist engaschà cunter las dictaturas da ses temp. Autur da «La renaschentscha dals Patagons» (1949), ina satira che lavura cun ils meds da la travestia grotesca e che fa allusiun a la renaschientscha retorumantscha cun ses funcziunaris e sias instituziuns. Cun il raquint «Il commissari da la cravatta verda» (1952) è Caratsch sa participà a la discussiun davart l’explotaziun da la forza idraulica en il Grischun tras interpresas da l’exteriur. En si’ovra «Il program da Schlarigna» (1954) ha el pretendì dals Rumantschs sacrifizis voluntaris a favur da lur lingua. [Tenor e-lir].