Löwenberg

Il signuradi da Löwenberg, schlià il 1803, ha fatg part sco cumin da Schluein da la dretgira auta da la Foppa. El è sortì dal feud episcopal da Schluein senza il bain da Fallerins ed aveva sia sedia en il chastè dal medem num, situà sin in sparun. La fortezza è menziunada per l'emprima giada il 1160. Destruì d'in incendi il 1685, è il chastè vegnì reconstruì parzialmain. Sedia d'ina scola per mats 1832-33 e dals missiunaris dal Sang prezius 1838-50. In ulteriur incendi ha mess l'implant en ruina il 1889; l'asil episcopal per orfens, existent là dapi il 1851 (serrà il 1972), è perquai vegnì transferì ca. 150 m pli al sidvest en in nov edifizi. [Tenor e-lir].

(Foto: Adrian Michael / CC BY-SA 3.0)