|
La tschuetta da guaud è la tschuetta la pli frequenta en Svizra. Ella viva en guauds, bostgam e parcs. Mintgatant viva ella perfin en las citads. La tschuetta da guaud ha egls gronds drizzads enavant. Ella auda fitg bain, ha griflas gizzas ed in pichel crutsch. La tschuetta da guaud va la notg a chatscha da preda. Ella sgola senza far ramurs sur prada e largias en il guaud. Tuttenina sa lascha ella crudar, tschivla ina giada, e la preda è tschiffada. La tschuetta da guaud maglia sia preda entira ed entratga. [Tenor Biologia].
(Foto: Richard Bartz / CC BY-SA 2.5) |
