|
Vatgas, bovs e vadels domineschan ses maletgs, per la gronda part en format spezialmain grond, quai che ha da far cun sia malsogna dals egls. Sco motiv permanent da sia pictura ha il Turitgais tschernì l’icona dals animals dal bain puril, la vatga. Quella ha el represchentà cun in’exactadad quasi surelevada sin la pastgira u a la riva dal lai. Propi enconuschent è vegnì Rudolf Koller pir cun ses chavals galoppants da la «Gotthardpost», ina pictura che ha cuntanschì tar il public status da cult. [Tenor LQ]. |
