Il servetsch psichiatric per uffants e giuvenils è obligà da sustegnair en lur svilup uffants e giuvenils che abitan en il Grischun. El sustegna els sco er lur famiglias e persunas da referiment cun in instrumentari professiunal e cun vastas enconuschientschas scientificas actualas segiradas. Il servetsch tschenta normas en il sectur dal provediment medicinal-psichiatric en il chantun Grischun che garanteschan a la clientella ina qualitad da tractament fitg auta. I vegnan purschì servetschs ambulants tar ils posts regiunals a Cuira, Tavau, Glion, Tusaun, Roveredo e Samedan ed uras da consultaziun a Scuol e Samedan ma era servetschs staziunars a la chasa da terapia Fürstenwald.