La vita da Hermann Hesse è sa sviluppada d’ina uffanza bain protegida, ma tuttina malgartegiada, fin al scriptur da renum mundial. L’emprim na reussescha el betg en il gimnasi e na po perquai era betg far il studi da teologia previs; nagin success n’ha el medemamain cun in emprendissadi da mecanist e cun ina carriera sco librari. Durant l’Emprima Guerra mundiala è el activ a Berna en la tgira da praschuniers e lavura la finala sco schurnalist. Alura ha el success cun ses roman «Peter Camenzind». Fitg enconuschents èn era ses romans «Demian», «Siddhartha» e «Steppenwolf» u «Glasperlenspiel». Ils 10 da december 1946 survegn el il premi Nobel. [Tenor LQ].