L’avust 2004 è vegnì edì dal Forum Vulpera il cudesch illustrà «Aqua Vulpera» cun fotografias dad Alain Humerose e texts da Michael Jakob. L’ovra mussa cun numerusas fotografias las bleras fassettas da l’aua minerala en Engiadina Bassa. Reflexiuns filosoficas davart l’aua e sias funtaunas cumpletteschan il volum poetic. «Tgi che chamina tras las diesch fracziuns da Tarasp, tgi che suonda a Vulpera, Chants, Sgnè, Avrona, Sparsels, Fontana, Forins, Chaposch, Valatscha, Aschera ils fastizs da l’aua che la topografia locala ha laschà, è impressiunà da quest inscunter elementar cun la natira, e ristga da perder l’equiliber. Qua stgarpitschain nus dapertut, ed inscuntrain ina natira che n’ha pers nagut da sia forza primara.»