La Pro Patria è vegnida fundada il 1909 sco uniun. L'onn 1991 ès ella daventada ina fundaziun. Il retgav da las collectas da radund trais milliuns francs l'onn vegn utilisà per mantegnair e tgirar ils bains culturals svizzers. Ils meds finanzials vegnan recaltgads cun vender las marcas da la Pro Patria (dapi il 1938), las ensainas tradiziunalas dal 1. d'avust (dapi il 1923) e da nov cun ulteriurs products sco p.ex. cartas da telefonar per automats e natels. En quasi tut las vischnancas da la Svizra s'engaschan millis voluntarias e voluntaris per las collectas. Spezialmain participadas èn las scolas.