Alberto Giacometti è naschì a Borgonovo en Bregaglia. Suenter las scolas a Stampa ha el frequentà il gimnasi ad Aschera e bandunà quel l'onn 1919 per sa deditgar exclusivamain a l'art. Suenter avair terminà ses studis il 1927 è el sa domicilià definitivamain a Paris ed è sa deditgà a la pictura ed a la plastica. Giacometti è in dals artists ils pli impurtants da la Svizra dal 20avel tschientaner. Cumbain ch'el è stà activ surtut a Paris, visitava el regularmain la Bergiaglia, la val da si'uffanza, cun la cuntrada da la quala el è s'occupà era sco artist. L'object principal da ses art è dentant la represchentaziun da l'uman en ses combat existenzial. [Tenor e-lir].