La claustra Son Jon a Müstair fa part dal patrimoni cultural mundial da l'Unesco. D'impurtanza mundiala èn spezialmain la pictura murala dal temp medieval tempriv (9avel tschientaner) ed ils maletgs romanics dal 12/13avel tschientaner en la baselgia da la claustra. Il guid da monuments d'art cumparì l'onn 2008 declera en pli la claustra cun ses bains culturals en il stadi actual. El descriva l'istorgia da la communitad benedictina ed il svilup dal cumplex claustral e preschenta interessantas localitads che n'èn betg avertas per il public. Il dossier cumpiglia er ulteriur material infurmativ davart la claustra.