Nus umans avain plaschair dal mund plain colur dals utschels, ed ans legrain da lur chant liger e cumportament allegraivel. Questa descripziun na tutga dentant betg la situaziun dals utschels perquai ch’ella resulta d’in pensar umanisant. La vita dals utschels stat sut l’ensaina dal cumbat per l’existenza. Mintg’utschè sto parter bain sias forzas per pudair resister. Ses problems principals èn: procurar per nutriment, far gnieu, proteger e tgirar il cuaditsch, evitar inimis e surviver durant envierns fraids.

(Foto: Stefan-Xp / CC BY-SA 3.0)