L’entschatta dals onns 1980 era sa concretisada en Svizra l’idea d'in tunnel da basa construì a bass’autezza e che avess da colliar las regiuns da las planiras (NEAT). Restada è malgrà tut la dumonda spinusa: tgenin’axa duai ins privilegiar? Per la Svizra Orientala e Turitg vegniva en dumonda il Gottard sco axa natirala tranter nord e sid. Il chantun Berna, il Vallais e pauc suenter tut ils chantuns da la Svizra franzosa eran daventads fervents aderents da la varianta dal Lötschberg. Sin basa da questa cuntraversa naziunala è sa cristallisada plaun a plaun ina varianta da duas axas, cun perfuraziun parallela al Gottard ed al Lötschberg. [ideesuisse.ch].