L’URB è vegnida fundada l’onn 1991 per promover contacts tranter las uniuns rumantschas e grischunas en la Bassa, tranter Rumantschas e Rumantschs ladins, surmirans, sursilvans, sutsilvans, giuvens e vegls. Ella è in’uniun affiliada da la Lia Rumantscha e collavura cun autras associaziuns che s’engaschan per la lingua e cultura rumantscha. La URB vul iniziar e sustegnair projects che servan a meglierar la situaziun da las Rumantschas e dals Rumantschs en la Bassa sco era projects da scolaziun rumantscha.