La Lia Rumantscha (LR) è vegnida fundada l’onn 1919. Tras il mandat d'impunder las contribuziuns federalas e chantunalas per la promoziun da la lingua e cultura rumantscha ademplescha ella in'incumbensa da dretg public. La LR sustegna, promova e coordinescha las lavurs da las uniuns regiunalas en favur da la lingua e cultura rumantscha. Ella s'engascha per il mantegniment e la promoziun dal rumantsch en famiglia, en scola ed en la vita publica e represchenta ils interess da la Rumantschia en ed ordaifer il territori rumantsch. [Tenor LR].