Il Dicziunari Rumantsch Grischun (DRG) preschenta, descriva ed explitgescha il stgazi da pleds dals idioms rumantschs en tut las variantas discurridas e scrittas dapi il cumenzament da la litteratura en il 16avel tschientaner fin al temp preschent. El è vegnì inizià da l'indogermanist Robert de Planta il 1889 e vegn tgirà da la Societad Retorumantscha. Suenter trais decennis e mez da lavur vi da la collecziun dal material èn vegnids publitgads il 1939 ils emprims fascichels. Dapi lura vegnan vitiers mintg'onn novs artitgels che dattan invista en la ritgezza da la lingua rumantscha.