Benedetg Fontana appartegneva sco ministerial episcopal a la fin dal 15avel tschientaner a l’elita dal pajais. Parentà cun las pli pussantas famiglias dals Salis u Plantas, è Benedetg Fontana, oriund da Salouf, daventà chastellan dal chastè da Riom ed ha giugà ina rolla impurtanta en l’istorgia da la Lia da la Chadè. La Battaglia da la Chalavaina dal 1499 è stada in'etappa decisiva per la furmaziun da noss stadi, malgrà che l’idealisaziun da l’erox en il 19avel tschientaner e la preschentaziun da Fontana sco erox naziunal na para oz betg pli confurma al temp ed è chapaivla mo dal puntg da vista da lez temp. [Tenor LQ].

(Foto: Adrian Michael / CC BY-SA 3.0)