Hans Baluschek (1870–1935) è stà in pictur artist, graficher e scriptur tudestg. El ha fatg part da la Berliner Secession, è stà commember en il Deutscher Künstlerbund e tutgava tar il Verband Deutscher Illustratoren. Suenter il 1920 è el stà commember activ da la SPD. Dal 1929 fin l’entschatta 1933 è el stà manader da la Grosse Berliner Kunstausstellung. Baluschek è stà in dals represchentants principals dal realissem critic tudestg. Enconuschent è el surtut vegnì pervi da ses maletgs e per sias illustraziuns da cudeschs sco ‹Peterchens Mondfahrt›. [Tenor Vichipedia].